Skip to Content

يوم جنو لينكس الخامس

khaledhosny's picture

احتفالية تنصيب جنو لينكس الخامسة

الموعد:
السبت 9-2-2008 الساعة 10 صباحا

المكان:

مسرح روابط"تم الحسم لصالح روابط"

الفعاليات:
تنصيب جنو لينكس للزوار بالإضافة للجلسات التقنية المقدمة من المتطوعين

المتطوعين:
برجاء تعديل الصفحة و إضافة اسمك لقائمة المتطوعين إذا أردت المساهمة

  1. BooDy

  1. Ezabi

  1. Nero

  1. dr_drsh

  1. Ibrahim Taha
  2. خالد حسني

Comments

ahmedamin's picture

ما رأيكم ؟

Ahmed Amin في يوم ما تم التنسيق ليقام مثل هذا اليوم في مكتبة مبارك العامة، ولكن لم يتم إقامة ذلك اليوم لضيق الوقت وعدم التنسيق الكافي . وأحيطكم بأن المكتبة قد أقامت ندوة بخصوص البرمجيات مفتوحة المصدر في سبتمبر 2007 وقد لاقت إقبالاً كثيرًا من الأعضاء وأوصوا بتكرارها . فهل يمكن أن نقدم ندوة بخصوص ذلك أيضًا في خلال إجازة نصف العام . أرجو الإفادة والرد حتى يتسنى لنا كمكتبة مبارك الإعلان عن تلك الندوة أو ذلك اليوم أو حسب مقترحاتكم .

تحياتي أحمد أمين

Alaa's picture

أنا شايف أنها

أنا شايف أنها فكرة كويسة خصوصا أننا قصرنا مع مكتبة مبارك كثير. و لو اتعملت قبل المهرجان ممكن كمان تكون نوع من الدعاية لليوم.

أنا متطوع للمشاركة في الندوة مين يحب يساعدني؟ و يا ترى ايه أفضل يوم للندوة مع الأخذ في الاعتبار أن معرض الكتاب هيأكل الجو تماما؟

Alaa


husband of the Grand Waragi Master

ahmedamin's picture

شكــرًا يا علاء

Ahmed Amin شكرًا للاستجابة السريعة وأنا مع رأي أنها تتم قبل المهرجان وعلى فكرة أن حجزت يوم في أنشطة مكتبة مبارك خلال أجازة نصف العام وهو يوم 2 فبراير يعني يوم السبت قبل اللى هيتعمل فيه المهرجان بس ياريت أعرف البرنامج هيبقى أزاي علشان أبلغ بيه الإدارة وناخد عليه الموافقة ، لكن هناك موافقة حالية من حيث المبدأ . المهم ياشباب عايزين رد سريع علشان نقدر نتصرف قبل نهاية الشهر وياريت اجتماع يوم الثلاثاء القادم يتناقش فيه الموضوع ده كمان ولكن للأسف مش هقدر أكون معاكم.

وياريت لو فيه شباب عندهم خبرة كويسة بالبرمجيات مفتوحة المصدر لو ممكن يبعتوا السيرة الذاتية فيه مشروع هيبدأ قريب ان شاء الله .

تحياتي أحمد أمين مكتبة مبارك العامة

Faissl's picture

موضوعنا يا جماعة

عندي إحساس ما إننا خرجنا عن الموضوع.. أنا شايف إن موضوع الندوة يتفتح له ويكي تانية ونتاقش فيها..

أنا على فكرة أحد أعضاء جماعة مغامير الأدبية اللي كان مقرها السابق مكتبة مبارك.. مكتبة مبارك (إذا كانت اللي بتقصدوها هيه مكتبة مبارك بتاعة شارع مراد بالجيزة) مكان مناسب جدا للندوة، لكن بالنسبة للـinstallfest هي مكان غير مناسب بالمرة لأنها متشددة جدا في موضوع دخول غير الأعضاء بالمكتبة.. واحنا عايزين نبقى متاحين لكل الناس زي ما حصل في يوم روابط الرابع وكان من أهم اسباب نجاحه: الحضور المكثف لناس كتير من ثقافات وطبقات مختلفة..

أنا معاك يا علاء في موضوع الندوة بس الأول نعمل لها صفحة مستقلة.. ولو إن نفسي مش ح تستريح في المكان الذي يحمل اسم مبارك، والمكان الذي طرد جماعة أدبية -مغامير- عشان يعمل مكانها DJ...!!


لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!

أنفخ معايا ف الفحماية

MSameer's picture

No politics please. We

No politics please.

We can also have a fest that is limited to the members only like what happened at the GUC. I don't like it though but the session is a good thing. Wish I can be there :-)

ahmedamin's picture

هي مكتبة مبارك

Ahmed Amin الأستاذ أحمد : نعم هي مكتبة مبارك بالجيزة شارع مراد وحضرتك كنت عضو في جمعية مغامير بها ، وإسأل أ. أحمد عبيد ، والحضري .وأنا أعمل بالمكتبة مدير إدارة نظم المعلومات ويهمنا ننشر فكر المصادر المفتوحة . والموضوع ده مش أول مرة نتكلم فيه على الويكي وأسأل علاء ومحمد سمير وضياء وغيرهم. وحتى الآن ما تعملش ندوة في المكتبة من خلال ايجي لج قبل كده ، ولكن عملنا أكثر من ندوة عن البرمجيات مفتوحة المصدر بالمكتبة وكان يهمنا أن الشباب يتشجع ويدخل في الموضوع لما يلاقي شباب تانية جادة .

MaLek's picture

انا ممكن

انا ممكن اشارك

بس ممكن اعرف الدعوة حيكون فيها اسم اللج ولا ﻷ؟


ahmedamin's picture

مش مشكلة

Ahmed Amin أ. مالك مش مشكلة موضوع الأسم ممكن تتعمل الندوة أو اللقاء بالمشاركة بين مكتبة مبارك وايجي لج ، وعلى فكرة أنا كنت عامل ورقة بحث في مؤتمرعن برمجيات مفتوحة المصدر في مجال المكتبات وكانت بتتضمن اسم ايجي لج - لأني والله يهمنا نعمل حاجة في الموضوع ده ، بلاد كثير سبقتنا واحنا لسه بندفع وياريت معانا اللى ندفعه . اللى انت عايزه يا مالك.

تحياتي أحمد أمين

MaLek's picture

جميل انا كدا

جميل انا كدا حشارك


Nero's picture

انا ممكن أشارك

انا ممكن أشارك لو هتتعمل الندوة بعد يوم 23 يناير لأنى مش هخلص إمتحانات قبل 23 وياريت تبطلوا تعملوا إجتماعات فى نفس يوم إمتحانى يعنى مينفعش تبقوا تأجلوا الإجتماع يوم :@


and I'm in, bass im

and I'm in, bass im traveling from 22 to 27 jan.

نقول سلام عليكم

بس بستفسر , وضع الفيست ايه ؟ هل لسه قائم ولا ايه؟

وهل محتاجين بوستر ولا هنستعمل القديم؟ في عندي صديق مستعد يساعد ان شاء الله اذا محتاجين بوستر

ازاي ممكن اشارك؟؟

اهلاً بكل الناس

انا بسأل ازاي ممكن اقدر اقدم المساعده

مستني الافاده و ارجوكم بسرعه علشان يبقي عندي وقت لو هاجهز حاجه سلام! Live Free Live Linux

matata's picture

ممكن تأجيل

أنا صديقكم باسم من سوريا

عندي طلب غلس شوية :-p

أنا هاجي في نص الشهر التاني على مصر , و عايز أحضر المهرجان معاكم. فطلبي هو في مجال لتأجيل المهرجان أسبوع واحد بس, حتى يكون بعد 15/2 مشكورين على كل حال :-)

Faissl's picture

أوافق الدكتور

أوافق الدكتور درش في نفس الشعور.. لأني حاسس ان الموضوع "فطس" من ساعة الاجتماع الأخير اللي فشل لا لسبب إلا تغيير مكانه فجأة ومن ساعتها وانا بنادي بعمل اجتماع تاني أو بتوفير وسيلة لاتصال الناتس ببعضها بلا مجيب....

يا رب نصحى شوية.. أعتقد إن معظم الامتحانات خلصت أو فاضل عليها.. فاضل عليها إيه ..؟ كلها خلصت..!!


لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!

أنفخ معايا ف الفحماية

khaledhosny's picture

أنا معاك حاسس

أنا معاك حاسس بنفس الحكاية. فبقول ناخد خطوة لقدام ونبدأ ننظم أفكارنا، يعني الناس (القليلة) الي كتبت اسمها فوق ناوية تعمل إيه بالظبط؟ (أنا عن نفسي هفكر في حاجة ولما اصحى هكتبها :P)


Nero's picture

أعتقد إننا

أعتقد إننا بحاجة لإجتماع علشان نقدر نعرف راسنا من رجولنا .. لحد حالا مش أخدنا ولا خطوة للأمام والمفروض حاجات كثير كانت تتعمل

المطبوعات الورقية والإعلانات والبانر والإسطوانات الاجهزة التقنية ( بروجيكتور .. ميكروفونات .. سماهات .. إلخ )

محدش قال هيعمل إيه ومحدش فاهم حاجة خالص :)

ياريت لو نعمل إجتماع قريب ويارت كل واحد يقدر يعمل حاجة يكتبها فوق .. طبعا بالشكل الموجود ده إستحالة نقدر نعمل المهرجان على يوم 9


khaledhosny's picture

طب ننظم نفسنا

طب ننظم نفسنا الأول ونشوف مين لسه مهتم ومين لأ، ولا نكنسل المهرجان خالص وبلاش نفضح نفسنا.


khaledhosny's picture

المهرجان اتلغى

عمليا نقدر نعتبر المهرجان لاغي، فاضل اسبوع ومفيش أي نشاط حقيقي؛ مفيش أي أخبار عن المكان، مفيش متطوعين، تقريبا مفيش أي حاجة غير شوية كلام.

المهرجان ملغي


khaledhosny's picture

المهرجان اتلغى

عمليا نقدر نعتبر المهرجان لاغي، فاضل اسبوع ومفيش أي نشاط حقيقي؛ مفيش أي أخبار عن المكان، مفيش متطوعين، تقريبا مفيش أي حاجة غير شوية كلام.

المهرجان ملغي


ممكن اكون متطوع

ممكن اكون متطوع

AMS's picture

جه دورى انى

جه دورى انى اقلك خد بالك ان دى ويكى ;-)

طبعا ممكن تكون متطوع وكل الحكايه انك هتلاقى edit tab فى الصفحه فوق ضيف اسمك للقايمه وبكده بقيت متطوع ... بسيطه خالص

هو انا لحد دلوقتى مش عارف المهرجان هيتعمل ولا واسف انى مش هقدر اشارك فى المهرجان لو اتعمل فى الفتره دى انما لو كان حظى حلو واتأجل للصيف ومحصلش اللى فى بالى :D يبقى ان شاء الله مشارك

MSameer's picture

اليوم اتلغى

اليوم اتلغى

eMofeed's picture

خبر اكيد

يا جماعة من فضلكم حددو بالضبط اليوم اتغى ولا لسة فية امل علشان الناس تعمل حسابها وترتب ظروفها

MSameer's picture

طب اكتب ايه

طب اكتب ايه اكتر من ان اليوم اتلغى ؟

Faissl's picture

يوم جنو لينكس الخامس.. مرة أخرى..!

طبعا يوم جنو لينوكس الخامس بتاع ٩ فبراير اتلغى..

لكن هذا بالطبع لن يمنعنا من الإعداد ليوم آخر..!

وهذا اليوم الآخر سيكون اسمه بالطبع "يوم جنو لينكس الخامس" برضه..! ولنصطلح عليه مثلا باسم Take 2 أو شيء مشابه

المكان كالعادة في مسرح روابط (كنت سأقترح الساقية لكني عارف انها ستستقر في الآخر على روابط..!)

التاريخ في يوم نختاره بعد الامتحانات (وكما قلت من قبل أن الامتحانات تستمر فعليا طوال ١٢ شهر..!! لكني أفضل أن يترك تحديد تاريخ "افتراضي" النهاية الامتحانات من قبل الطلبة حيث أني لم أعد الآن طالبا بأية جهة..)

تحياتي


لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!

أنفخ معايا ف الفحماية

Faissl's picture

The Fifth Gnu-Linux installfest.. Again..!

here's a translation for non-Arabic systems..

As the previous post said, the fifth gnu-linux installfest - of 9th February 2008 - has been canceled..

but -of course- this won't prevent us setting up another "fifth" installfest..! (the one fourth must be fifth..! you know :D ) let's call it "The Fifth Gnu-Linux installfest 'take 2'" for example..

the place will be Rawabet hall as usual.. I'd suggest El Sakia.. but I know it will turn to be Rawabet at last..!

the date will be at a day we choose after the exams.. (as I said before, the exams are practically continuous during 12 months..! but I'd rather that the students among us should pick a "virtual" day after the exams..!! I can't help in this coz I'm not student anymore)

greetings


لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!

أنفخ معايا ف الفحماية

Comment viewing options

Select your preferred way to display the comments and click "Save settings" to activate your changes.


Dr. Radut | book