Skip to Content

عن OpenCD

Ahmed Hashim's picture
شغال ويندوز؟
اكيد.
عندك ترخيص؟
لا.
شغال ميكروسوفت اوفيس؟
أكيد.
عندك ترخيص؟
لا.

و هكذا فى كل البرامج التى يستخدمها اغلب الشعب.

برامج الضغط و الميديا و متصفح الانترنت و برامج ال دونلود و البريد الالكترونى و الجرافيكس و قواعد البيانات و بيئات التطوير و الالعاب كل حاجة على الكمبيوتر يا معلم

طب و الحل؟

اشتغل لينكس..

بس ده صعب اوى يا عم.. و انا امكانياتى على ادى .. مالها النسخ المضروبة ؟

هقولك يا عم بس نص العمى ولا العمى كله .. خليك على الويندوز المضروب بتاعك بس اشتغل ببرامج مفتوحة المصدر. و دى جميلة جدا و قوية و دايما فى تطور و ممكن تشغل بيها ملفات البرامج التانبه.

فى كل دول العالم الكمبيوتر رخيص و لكن البرامج غالية قوى و احنا عندنا الكمبيوتر غال (علشان احنا غلابه ) بس كل واحد منزل برامج يجى ب 20 الف جنيه.

و ده يا عم الحاج حرام و الدين مش بيقول كده. و القانون بيمنع كده.

و عشان كده يا شباب انا بنصحكم تستخدموا البرامج مفتوحة المصدر.

بدل ميكروسوفت اوفيس خليها اوبن اوفيس , و كل حاجة هتلاقيلها بديل.

انما تطنش و و تفضل شغال حرامى مينفعش .

اغلب الناس لا تتحرى اذا كان البرنامج ده له ترخيص ولا لا. كله بينزل البرامج و يشتغل بيها و ساعة لما البرنامج يفرقع منه يدور له على كراك و الحركات النص كم دى.

و بعدين دلوقتى فى حاجة جميلة جدا اسمها اوبن سي دى فيه برامج كتير اوى بدل البرامج الى محتاجة ترخيص.

و انا ممكن اديها لك يا عم لو انت مش هتقدر تنزلها و هكذا اى برنامج اخر.

انا حاسس ان انا حرامى و انا عمال اشتغل ببرامج مسروقة و متكركة !

يبقى احنا لازم ناخد بالنا من ان لو عايز تستخدم برنامج لازم ترخيص و عشان كده بنصحكم تستخدموا برامج مفتوحة المصدر و ممكن يبقى شعارنا فى الفترة الجايه

لا للبرامج المسروقة .. نعم للبرامج مفتوحة المصدر

Comments

hi

السلاموا عليكوا انا كنت عاوز اقول انى مش عارف اشغل اﻻوبن ديسك على اﻻبنتوا ياريت حد يساعدنى

Comment viewing options

Select your preferred way to display the comments and click "Save settings" to activate your changes.


Dr. Radut | book