Skip to Content

لازم نقف وقفه.

ياجماعة عيب علينا كده، ويكيبديا اول موسوعه حره بتفيد كل الناس حول العالم، ولما بشوف قسمها العربي بتنكد، كل موضوع مكتوب فيه سطرين ومفيش حاجة تفيد، كل ما باعوز معلومه اروح على ويكيبديا الانجليزي لاني واثق اني مش هلاقي اللي انا عايزه في القسم العربي، وبعدين اللي عمل ويكيبديا الانجليزي هو جومهورها واكيد اغلبهم من داعمي المصادر المفتوحه، عموما المفرود نقف وقفه وكل واحد يشوف المواضيع اللي عارف عنها كويس ويكملها في ويكيبديا العربي، مجرد كام شهر ونلاقي موسوعه عربيه مجانيه يمكن الاعتماد عليها. لازم نقف وقفه.

CVirus's picture

How about we learn how to

How about we learn how to read/write in english instead of translating forever ?
Thats only a suggestion by the way.

Get my gpg key: gpg --recv-key --keyserver pgp.mit.edu 4CFE7230 Key Fingerprint: C5A6 BE2B 594A F616 E3C2

BooDy's picture

معلش يا سيدي

معلش يا سيدي اصل اني فلاح و مبتكلمش عنجليزي و نفسي في ويكيبيديا بالعربي

nasr misr مشكلة المقالات الميته في ويكيبيديا العربيه مشكله خطيره فعلا و نقص الماده فيها برضو شئ محتاجين نغيره. المشكله في ويكيبيديا العربيه في رأيي هي نفس مشكلة البرمجيات الحره و انتشارها بمعدل انتشار بطيئ. احنا محتاجين نشر فكرة ويكيبيديا عموما

يا ريت لو عندك أي فكره تطرحها بدل كلمة "وقفة" دي علشان ملهاش معنى :)

انا عن نفسي يا سيدي لما بلاقي وقت بكتب في ويكيبيديا العربيه و الانجليزيه لكن الموسوعه محتاجه اكتر من كده. أرجو لو عندك أي اقتراح تقوله

ملحوظه: أي حد عاوز يبدأ خناقة العربي و الانجليزي و مبنتكلمش عربي ليه و منتكلمش انجليزي ليه يروح يلعب في حته تانيه علشان بقى موضوع قديم أوي أوي يعني و بايخ

Death is only the beginning...

CVirus's picture

Sorry ... My native

Sorry ... My native language is English and I live in the united states thats why I'm supporting the English language and totally against arabic ... by the way, I NEVER learnt English and no one taught me anything about it .. I was born as a native speaker.

Note: All of the above is fake.

Get my gpg key: gpg --recv-key --keyserver pgp.mit.edu 4CFE7230 Key Fingerprint: C5A6 BE2B 594A F616 E3C2

khaledhosny's picture

طب تقدر تقولى

طب تقدر تقولى ليه فى ويكيبيديا فرنساوى وألمانى وصينى وهندى وأفريقى وبلاد تركب اﻷفيال ؟


khaledhosny's picture

طبيعى

ده شئ طبيعى، فى كام واحد بيعرف يقرأ ويكتب فى العالم العربى، وكام واحد من دول عنده حاجة ممكن يكتبها وعقله مش ميح، وكام واحد من دول ممكن يكتب حاجة مفتوحة المصدر مش هيقدر ينسب الفضل فيها كله لنفسة، وكام واحد من دول سمع عن الويكيبيديا

لو حسبنا الحسبة دى صح هنلاقى الويكيبيديا العربى عاملة معجزة - وجودها فى حد ذاته معجزة من وجهة نظرى -


لو على قد الاقتراحات في منها كتير

لو على قد الاقتراحات في منها كتير ،بخصوص مواضيع التكنولوجيا والشخصيات الاجنبيه مثلا ممكن نترجم من ويكيبديا الانجليزي، والمترجمين في مصر على قفا من يشيل، كل سنه دفعه كامله من كليات الالسن بيتخرجوا ميلقوش شغل، ودي دعوة ليهم انهم يبذلوا مجهود، وممكن برده اي واحد مش شرط يكون خريج السن يعني، ونعمل مجموعات تراجع المواضيع وتشوف لو في اخطاء، يعني ايجلج مثلا تساهم وتراجع الموضوعات الخاصه بالنظم مفتوحة المصدر.. أما بالنسبه لكل شئ يخص العالم العربي، فعيب علينا نترجم من ويكيبديا الانجليزي، كل اللي عنده معلومات واثق منها يكتبها، ويريت يجي يوم تكون ويكيبديا العربي معلومتها اوفر من ويكيبديا الانجليزي خصوصا فيما يخص العالم العربي.. في حجات كتير ممكن تتعمل، بس المنتدى ده فيدته اننا نفكر مع بعض بصوت عالي، ونسق علشان نشوف الكلام ده حقيقي، لو ده حصل هتكون حاجه مفيده جدا لمصر والوطن العربي كله..

phaeronix's picture

فكرة حلوة

فكرة حلوة نضيفها لأي كلام عن البرمجيات الحرة في أي حتة. كلنا بنستفيد من الموسوعة و من المستحب رد الجميل. بس الأول الناس اللي إنتا عايزهم يساعدوا في التطوير يبفوا مقتنعين بفكرة التطوع المجاني، و إلا هيبقى رد الفعل المعتاد : و أنا أضيع و قتي ببلاش ليه؟

ikhnaton2's picture

عندى إقتراح،

عندى إقتراح، نعمل يوم كامل 24 ساعة بتاريخ معين نطلب فيه متطوعين لتعديل أو إنشاء صفحات معينة من ويكيبيديا العربى. يتم الاتفاق مسبقاً على قائمة ببعض المواضيع المهمة للبداية بها. كل متطوع ممكن يشتغل من بيته ولكن كلهم مجتمعين افتراضياً فى غرفة شات واحدة مثلاً على IRC. يكون فيه عدد من المشتركين مشرفين لتوزيع الصفحات ومراجعتها والمساعدة بـ wiki syntax و المراجع والبحث إلخ.

ممكن مجموعة أصحاب تحب تتجمع مع بعضعها فى مكان عام مفيش مشكلة. طبعاً المتطوعين مش هيشتغلوا 24 ساعة لكن يكتبوا شوية ويريحوا وحد تانى يجى وهكذا لمدة يوم كامل ولو نجح المشروع نبقى نكرره.


khaledhosny's picture

أنا شايف

أنا شايف الفكرة دى كويسة، ممكن نعمل حاجة زى يوم الويكيبديا كل شهر مثلا وننشر الفكرة، وحتى نعلن عنها فى الويكيبيديا العربى نفسها

وممكن نختار شوية مواضيع مش كاملة أو مش موجودة أصلا ونشجّع الناس على كتابتها


ikhnaton2's picture

نقول السبت 26 أغسطس

نقول السبت 26 أغسطس مناسب؟

المطلوب:

  • تحديد قائمة مبدئية للمقالات التى سيتم العمل عليها ولو المشتركين مهتمين بالكتابة فى صفحات تانية مش مشكلة
  • عمل غرفة نقاش. هل على IRC كويس ولا عايزين حته تانية؟
  • تحديد من عنده الخبرة بالـwiki syntax والدعم بمصادر لا تخل برخصة wikipedia وعنده استعداد للتواجد فى هذا اليوم online

BooDy's picture

#wikipedia-ar

قناة ويكيبيديا العربيه على freenode.net موجوده و هيكون احسن لو اتواجدنا كلنا فيها#wikipedia-ar

انا موافق على الفكره و على التاريخ كمان و هجمع المقالات اللي كنت عاوز اكتبها أو أعدل عليها و اكتبها هنا.

هنحتاج صفحة ويكي ننظم فيها لليوم ده هنا؟

Death is only the beginning...

ويكيبديا عربي !

أولا قبل أن أدخل في الموضوع, أريد أن أرد على سي فيرس, أنا أرى أن ما طرحه -عن التعريب- رأي لابد أن يناقش, نعم من المفيد جدا أن تطلع على نتعلم أن نقرأ\نكتب (أو نتعامل) بالإنجليزية لكن ليس بدلا من الترجمة و كما قال للأبد, علينا أن نرى بأعيننا و أن نعرف أن معظم العرب لا يجيدون الإنجليزية, و هذا في حد ذاته ليس عب إطلاقاً, لكنه يضعف أو يقلل من روابطنا المتزايدة بالعالم عن طريق اللغة المشتركة و اللغة لمن لا يعرف هي الرابط أو الصلة التي يتصل بها أعضاء مجتمع ببعض, فلو كنا نتكلم عن العالم كمجتمع لابد لنا أن نتكلم بلغته بلغته المشتركة أحب أن أوضح أولا أن هدفي ليس الحفاظ على اللغة أو الهوية أو شيء من هذا القبيل, لكني فقط أهدف إلى نشر العلم, نعم, كم من الناس تتوقع أن يقرأ مقال لك بالعربية أو الإنجليزية, يعتمد هذا على المقال, لكن بصفة عامة قراء الإنجليزية أضعاف أضعاف قراء العربية, لكن في أغلب المقالات, هناك غيرك من كتبها بالإنجليزية, أما العربية فكل حرف تكتبه هناك من يحتاجه, و لو واجهنا الواقع, لا نتوقع أن يتحول قراء العربية كلهم أو معظمهم إلى الإنجليزية خلال الحقبة القائمة و التالية, فلماذا لا نعترف بالحقيقة, و نقول أن نشر العلم أجدى بتقريبه إلى الناس عن رفع الناس إليه, هكذا ارتأت اليابان و غيرها من الدول التي هي الآن من صناع الحضارة الإنسانية, نعم فحتى الآن من يجيدون الإنجليزية من اليابانيين أقلية, فكيف تأتّى لهم أن يكونوا على ما هم عليه الآن (من قبل الحرب العالمية الثانية), إنه ببساطة بالترجمة, بتقريب العلم للناس, و من ثم تهييء الجميع لصناعة النهضة, و من لا يصدقني فليبحث عن مواقع الجامعات اليابانية, و ليرى أي جامعة تدرس من كتاب غير ياباني -أللهم إلا كتب اللغة اليابانية للمغتربين- هذا إن سمح له حظه بأن يجد موقع جامعة يابانية مترجم إلى الإنجليزية كاملا أصلا طبعا لسنا بصدد مقارنتنا باليابان, لكن ما قصدته أن العلم اليوم يتطور بسرعة رهيبة, و مع ذلك نجد اليابان دائما تتابع الركب تارة و تسابقه طوراً, عن طريق الترجمة رجاء, بدل من فرض العلم على المتعلمي و المؤهلين بدرجة معينة, ساهم في إشراك كل الناس في العلم

أخيراً, من يرى أن موضوعه يحتاج لقراء عرب أكتر من غيرهم, يكتب بالعربي, و من يرى أن الأولى مخاطبة (كل) الناس فهو أيضا محق, فليكتب بالإنجليزي, و من يجد أن مواضيع مكتوبة بلغة و يحتاج قراء لغة أخرى لقراءتها, فشكراً له إن ترجمها,

هذه حقائق عن استخدام العربية و غيرها من اللغات في ويكيبديا المواضيع بالإنجليزية : 1,322,884 موضوع المواضيع بالعربية : 16,205 موضوع المواضيع بالفرنسية : 344,949 موضوع المواضيع بالفارسية : 13,775 موضوع المواضيع بالألمانية : 448,955 موضوع المواضيع بالإسبانية : 143,534 موضوع المواضيع بالصينية : 246,310 موضوع المواضيع بالعبرية : 42,612 موضوع

و يمكننا ملاحظة أن المواضيع بالألمانية أكثر من ضعف المواضيع بالإسبانية, رغم قلة الدول التي تستخدم الألمانية, و الني -حسب علمي- تنحصر في أوروبا فقط, في ألمانيا و النمسا و سويسرا و إقليم في هولندا, بينما الإسبانية, و هي ثاني اللغات استخداما (كلغة أم) يستخدمها كل أمريكا الجنوبية بإستثناء البرازيل و دولتان أخريان. أما عن أكثر اللغات استخداما, الصينية, فوضعها مزري في ويكيبديا (بالمقارنة بأكثر اللغات شيوعا و ليس بنا), نحن, ربما نكتفي بالمقارنة بالفارسية التي لا يستخدمها إلا دولة واحدة, لكن حرصها على العلم, ~يختلف عنا, كذلك اللغة العبرية

موضوعنا الأصلي, شكرا للأخ إخناتون, فكرة عظيمة, أوافق على الموعد الذي اخترته و أوافق على رأي خالد حسني بجعلها شهرية, ربما نبدأ هذا الشهر لكل المواضيع المختارة كبداية, ثم يمكننا أن نحدد بعد ذلك موضوع عام لكل شهر, شهر التاريخ, شهر علوم الحاسب, شهر السياسة, شهر أي حاجة و هكذا

قوللو رايكم

قمت بتعديل موضوع فايرفوكس العربي، بعد تزويد المقدمة عن طريق الترجمه عن الملف الانجليزي، ولكني بطيئ بعض الشيئ، يمكنني استكمال العمل فيه غدا. ولكن هل الترجمه جيده؟

ikhnaton2's picture

not bad

not bad

التاريخ والتسميه

انتهيت من ترجمة تاريخ فايرفوكس وتسميته، ما رأيكم؟

khaledhosny's picture

أنا لا أحب

أنا لا أحب الكلام المرسل وإلقاء اتهامات الخيانة والتآمر هنا وهناك (الشئ الوحيد الذى يجيده العرب)

أعطنى أمثلة واضحة على ماتقول وبعدها لنر هل كلامك موضوعى أم لا

بدون هذا فلا يساوى ما تقوله شيئا ﻷنى ببساطة لا أعرف من أنت


MSameer's picture

نايل ايه اللى

نايل

ايه اللى ممكن نعمله علشان نحل الموضوع ده ؟

انا مش من المشاركين فى ويكيبيديا عموما بس مهتم بيها

بالمناسبه: ايه موضوع ايماكس اللى انت عربته ؟ انت تقصد المقاله ولا ايه ؟

انا لا اقصد اى شىء وحش انا بس مش فاهم

تحياتى

MSameer's picture

انا ما فهمتش

انا ما فهمتش من اللى انت كتيته غير lisp machine :-)

هادور على الكود انا مهتم بالتعريب عموما

khaledhosny's picture

اعذرنى، لكن

اعذرنى، لكن حتى اﻵن أنا لم أر أى شئ ملموس (سموى ماتقوله أنت) لكن صدقنى حين أرى شيئا كهذا بعينى فلن أسكت عليه


khaledhosny's picture

اﻹحصائيات

بالمناسبة هذه إحصائيات ويكيبيديا العربية لمن يهتم


MSameer's picture

كون الادارة

كون الادارة اردنية او حتى من بلاد واق الواق ليس تهمة يا اخ نايل

بصراحة "عديت" على الصفحة بسرعه و مش قادر افهم المشكله فين

ممكن حد خبير اكتر بويكيبيديا و نظامها عموما يقول حاجه ؟

MSameer's picture

لو فيه ناس

لو فيه ناس فعلا بتعمل كده - و الله اعلم - يبقى من الواجب عليك انك تعمل حاجه مش انك تسكت

خبر عن يوم ويكيبديا العربي

الخبر عن يوم ويكيبديا العربي منشورا في جريدة الرياض السعوديه، فقط الانتقاد الوحيد قرب الموعد وضيق فترة الاعلانات..

ikhnaton2's picture

كان يوم ناجح

Comment viewing options

Select your preferred way to display the comments and click "Save settings" to activate your changes.


Dr. Radut | forum