Skip to Content

طلب دعم

makinzy's picture

السلام عليكم

عجبتنى جدا فكرة نشر البرمجيات الحرة ،وعاوز اشترك فيها انا درست اللينكس فى منحة الإتصالات وممكن اساعدكم فى منطقتى اللى هى اسيوط وانا عرضت الفكرة على ناس كتير وابدوا استعدادهم ورحبوا جدا بالمبدئ وبفكرة انهم يستخدموا النظام

نفسى حد يدعمنى و يساعدنى او يقولى أبدأ ازاى مع الناس دى معالعلم انى اشتغلت على توزيعات ابونتو 9 وفيدورا7 واوبن سوزاهkde

linuxawy's picture

و عليكم

و عليكم السلام

أكيد يهمنا دعمك، لكن إيه نوع الدعم إلي انتي طالباه؟


Ahmed D. El-Mekkawy

makinzy's picture

اقتراح

انا معرفش إيه الخطوات اللى انتم بتعملوه بالظبط عشان تنشروا الفكرة دى فى باقى لمحافظات ،بس ممكن حد يجى أسيوط ونرتب زى كورس صغير لمدة يومين أو ثلاثة أيام نعرف الناس على النظام والهدف منه وازاى يحلوا المشاكل اللى هاتقبلهم فيه

انا فكرت اعمل الحكاية دى وحدى بس خفت ما بقاش بروفشنال أوى أو ماعرفش أوصل الفكرة كويس

فياريت حد منكم يتطوع ويجى أسيوط ويشوف الأوضاع هناماشية ازاى

linuxawy's picture

أغلب الناشطين

أغلب الناشطين دلوقتي من الاسكندرية. حيكون صعب إن حد منهم ييجي أسيوط. ممكن لو شباب القاهرة حد منهم يقدر.

لكن غير إن حد ييجي عندك. إيه إلي انتي حاسة انك محتاجاه؟ احنا العادي بتاعنا إننة نعمل core group يعني كام واحد يتعلم كويس و بعد كدة الناس ديه يقدروا يعملو كورسات و يدو دعم لبقية الناس. إقتراحي ليكي انك تتعلمي لنكس كويس انتي و تختاري معاكي ٢ أو ٣، و احنا معاكي اونلاين نقدر نشرحلك لو حاجة وقفت معاكي. لحد ما نلاقي متطوع يقدر يروح أسيوط.

إيه رأيك فالكلام ده؟


Ahmed D. El-Mekkawy

makinzy's picture

طيب إيه المحتوى

طيب إيه المحتوى اللى انتوا بتشرحوه بالظبط لوناس مبتدئين ؟؟؟وإيه التوزيعات اللى بتعتمدوا عليها أو التوزيعة اللى انتوا شايفين إنها أسهل للناس

ولو بدأت انا فعلاً أمثلكم فى اسيوط أبدأأشرح للناس النظام انتر فاس ولا تيرمنال

معرفش فى أسئلة كتير بتدور فى دماغى...

الكتاب ده مفيد

الكتاب ده مفيد لاي واحد مبتدأ كتاب بسيط جدا من الممكن ان تستخدمه للشرح ولا يأخد وقت في القراءة واظن المحتوي واحد وهو كتاب يتحدث بالاخص عن الاوبنتو التي هي توزيعة جيدة لاي مبتدأ اما بالنسبة انك تبدأ شرح GUI or CLI مادام الناس اللي هاتشرح لهم جداد لازم تشرح لهم بال GUI بس تعرفهم ان في حاجة اسمها ترمنال وده اهم من ال GUI خاصة واكيد كلهم جي من ويندوز ومش متعود علي command line خالص واي اسئلة مفيش حد هايبخل برد بالتوفيق

linuxawy's picture

عادةً أول حاجة

عادةً أول حاجة بنقولها اننا نفهم الناس يعني إيه FOSS و ليه اللينوكس اتعمل ولتاريخ بتاعه عمل ازاي و كدة.. مقدمة يعني. بعد كدة ال- installation .. و بعدين إستخدام الوجهة الرسومية و بعدين مقدمة بسيطة عن إستعمال سطر الأوامر. كدة نقدر نقول إن الشخص إلي فاهم كل دة مستخدم لينوكس .

لكن الكلام دة مش ثابت يعني.. ممكن تغيريه لو عندك وجهة نظر تانية.

بالنسبة للتوزيعة زمان كنا بنقول mandriva. لكن دلوقتي اوبونتو وملحقاته كبنتو و إكسوبنتو هما في رأيي مناسبين جداً للمبتدئين


Ahmed D. El-Mekkawy

http://www.4shared.com/file/1

برضه ده كتاب بس متخصص شوية في ال command line وزي ما قال لينكساوي لازم حتة التاريخ دي علشان تصبرهم علي اي مشكلة ممكن تقابلهم ويكون اللي بيستخدمه عنده اقتناع من اعماقه بيه ولا يستخدمه من باب التغيير

makinzy's picture

دعواتكم معانا

دعواتكم معانا ربنا ييسر الأمور....غالباً هابدأ الموضوع ده بشكل فردى وهاشوف

ونتمنى بعد كده ان اسيوط تكون ضمن خطتكم

Comment viewing options

Select your preferred way to display the comments and click "Save settings" to activate your changes.


Dr. Radut | forum