Skip to Content

تقرير عن إحتفالية تنصيب جنو/لينوكس ٢٠١٠

التقرير ده عن مهرجان تنصيب جنو/لينوكس اللي عملناه أول الشهر ده اللي كان في ساقية الصاوي.

اليوم بيبدأ الساعة 9 الصبح ، بس أحنا وصلنا بدري قبل ما الناس تيجي علشان نجهز المكان والأسطوانات وكده .

وصلنا للمكان الساعة 7 صباحا وكان أول الواصلين هو BooDy وناس تانية من القاهرة وتبعهم وصول الناس اللي جاية من اسكندرية حوالي الساعة 8 صباحا.

وبعدين بدأنا نرتب الكراسي والطرابيزات في المكان وقسمنها على 7 مجموعات على قد الجلسات اللي كانت هتتعمل.

بحلول الساعة 8:30 كان المكان جاهز لإستقبال الزوار وكل واحد من المحاضرين بدأ يجهز نفسه لإستقبال الجمهور.

الساعة ٩ بدأ توافد الناس على المكان والأقبال بدأ يزيد

وكان مخطط لعمل سبع جلسات كالأتي:
"مقدمة للبرامج الحرة مفتوحة المصدر" وقدمها أحمد مكاوي
"تنصيب جنو/لينوكس" وقدمها محمد سعودي
"البرامج البديلة والفرق بين ويندوز وماك وجنو/لينوكس" وقدمها أحمد فيصل
"موضوعات متقدمة في أمن المعلومات" وقدمها عمرو علي
"البرمجة لسطح المكتب" وقدمها أحمد طولون
"إعداد سيرفر ويب لتشغيل المدونات وبرامج الويب" وقدمها محمد زيان
"الثقافة الحرة" وقدمها أحمد غربية
"إستخدمات جنو/لينوكس في الشركات" وقدمها سامح صبري

فضل وصول الناس يتزايد لحد الساعة 12 وبدأنا في فتح الجلسات تانية مكنش محطوطة في الخطة زي "شرح برنامج إنك سكيب للرسم المتجهي" وقدمها أنس مالك و"شرح عن تقنيات الحوسبة "السحابية وقدمها أحمد أبوسيف.

وأستمر إقبال الناس لحد الساعة 2. وحان وقت الغدا وقلنا نأخد راحة ونأكل علشان نقدر نكمل اليوم. وأستمر اليوم لحد الساعة ٤ كان بدأ الأقبال يقل وبدأنا نجهز للجلسة الختامية اللي عملنا فيها زي مشهد تمثيلي بين شخصين واحد مقتنع بالبرمجيات المفتوحة المصدر وواحد مقتنع بالبرامج المغلقة المصدر. وأستمر المشهد التمثيلي وبدأ الجمهور يشارك بأسئلة .

وخلص اليوم على الساعة 5 وبدأنا نفضي المكان.

اليوم كان جميل واللمة كانت أجمل وده أكبر تجمع لمتطوعي EGLUG من مدة كبيرة. وسعدنا بوجود متطوعين جدد وإعادة إحياء نشاط توقف بالقاهرة منذ زمن.

وشكرا لكل من شارك في التحضير واللي أدى الجلسات وكل اللي شارك في نجاح اليوم ده.

Comments

لالالا انا زعلان

ازاي السيشن بتاعتي ماكانتشي في الحسبان يابهاء

لالا انا زعلان

ثانيا اسمي انس عماد الدين و الشهرة انس عماد

و الكنية انس بن مالك

MSameer's picture

This is a wiki. Edit the

Comment viewing options

Select your preferred way to display the comments and click "Save settings" to activate your changes.


Dr. Radut | book