Skip to Content

Introductory Pamphlet - Intermediate (3ameya)

Alaa's picture

س: أنا سمعت عن اللينوكس، بس لسه مش فاهم إزاى ممكن يكون free ؟

ج: إنت بتتكلم عن الفلوس، مش كده؟ طيب، أول حاجه، واحد من الأسباب انه ببلاش إن الناس اللى شغالين عليه مابيطلبوش فلوس علشان يشتغلو. احتمال ده يكون غريب شويه؛ حد بيشتغل جامد علشانك ببلاش؟ لكن الموضوع ممكن يتفهم اكتر شويه، لو حاولت تتخيل حاجه زى 100 واحد شغالين سوا ببلاش علشان بعض: واحد يساهم بس بمحصول جهده الشخصى، لكن يستفيد من جهود 99 تانيين، زياده على جهده هو نفسه. طبعا، فى شوية ناس بيدفعلهم عشان يشتغلو فى اللينوكس، لكن ده عادة بيبقى عن طريق قنوات زى رعايه من شركات زى IBM.

س: IBM؟ لأ ماتهرجش؟ دول ناس جامدين أوى.

ج: أيوه هما جامدين. مش هما لوحدهم. الحكومه الأمريكيه كمان بترعى مبرمجين المصدر المفتوح، أساسا على المستوى الأدنى من الحاجات التقنية. مثلا Sun Microsystems بتساهم كتير برضه، وكمان كتير من الحكومات الأوروبيه زى الحكومه الألمانيه والفنلنديه. البرازيل برضه مستخدمة لينوكس تئيله.

اللينوكس حقيقى ثوره فى تقدم. موجة مد ديجيتال عالميه عماله بتكبر وبس، وعلشان كده احنا عندنا مجموعة مستخدمين لينوكس مصريه.

س: لو IBM و Sun Microsystems ليهم فاللينوكس، إزاى ممكن يكون ببلاش؟ هما مش لازم يعملو فلوس؟

ج: هما فعلا بيعملو فلوس. IBM مثال ممتاز لبيزنيس هادف للربح بيعدل نفسه لعالم السوفت-وير المجانى المفتوح المصدر اللى مش ممكن تصدقه. السر هو تحويل مورد دخلك للخدمات والهارد-وير.

س: ببلاش، طبعا، غالبا معناه إنو مش أد كده.

ج: العكس تماما. تخيل إنك كنت مبرمج فى، مثلا، ميكروسوفت. كان هايبقى بيدفعلك عشان تكتب برامج، ده صحيح، لكنك كنت هاتبقى شغال فى اللى الشركة عايزاك تشتغل فيه، مش اللى انت فعلا كنت عايز تشتغل فيه. المبرمجين اللى بيكتبو لينوكس سوفت-وير بيقدرو يختارو بالظبط اللى بيشدهم ويحفز إبداعهم. ده بيعمل فرق مش ممكن تصدقه، ودى حاجه ممكن تحسها بس لو ابتديت تستخدم سوفت-وير مفتوح المصدر زى لينوكس.

س: ماشى، الموضوع عجبنى. بس قلقان ان الحاجات اللى باستخدمها فى الوندوز مش هاتبقى موجوده فى اللينوكس. حاجات باستخدمها فى شغل بجد.

ج: طيب، فى أخبار كويسه وأخبار وحشه. الأخبار الوحشه هى أنهم مش هايكونو موجودين. فى بعض الحالات، وندوز سوفت-وير هايشتغل على لينوكس، بس دى قصه تانيه.

الأخبار الكويسة، وممكن تكون قادر تخمن، أنو فى بدايل لكل حاجه تقريبا، متاحه على لينوكس وغالبا أحسن. فى معضم الحالات، مش هتلاقى مشكله ان تلاقى بديل لـ، قول مثلا، مايكروسوفت ورد "Microsoft Word"، لكن بقى لو فى مشكله، هتكون فى إنك تختار تستخدم أنهى واحد من البدايل؛ OpenOffice ؟ KWord ؟ Abiword ؟ KWrite ؟ ...

بتستخدم Excel ؟ طاب جرب Gnumeric ،Openoffice Calc ،KSpread. محتاج Photoshop أوى أوى؟ عشان ده فى الـ Gimp. ووقت ما تجرب Gimp، خدلك فكره برضه عن Cinelerra و Film-Gimp كمان دول بيستخدمو فى السنيما، وممكن كمان تبدل 3D Studio Max بـ Blender.

لو بتبرمج بالوندوز، يبقى غالبا بتستخدم Visual Basic. عشان ده، فى Gambas، ...

طبعا الورقة دى أقصر من انى أرص كل لغات البرمجة اللى ممكن تستخدمها فى اللينوكس، أو كل بيئات التنميه "development environments". مبرمجين الوندوز اللى بينقلو للينوكس عادة بيحسو إنهم زى ما يكونو ماتو وراحو الجنه.

ليه ماتطلبش من حد من جماعة مستخدمى اللينوكس يعرضلك البدايل بتاعت الوندوز سوفت-وير المفضل عندك؟

س: كل ده ؟ كويس أوى، بس كل ده لازم عايز كمبيوتر جامد أوى.

ج: ده مش وندوز. كل الإختيارات دى وكل القوه دى مش لازم تكلفك موارد ضخمه. تركيب لينوكس أساسى تماما هايشتغل كويس على رامات 4 ميجا. علشان الاستخدام يومى عادى، هاتكون تمام بـ 32 أو 64 ميجا. وانت مش محتاج أجدد و أسرع بروسيسور كمان، أى حاجه من 486 أو أعلى هايكون كويس.

اللينوكس مش طماع.

س: يبقى هو ببلاش، فعال، عنده سوفت-وير كتير، مش محتاج كومبيوتر غالى. إحنا ناسيين حاجه؟

ج: أيوه. ليك حرية تلعب فى المصدر البرمجى (الوصفة) بتاع السوفت-وير لما تحس إنك محتاج تعدل أى حاجه فيه.

س: يا سلام دى حاجات عظيمة أوى! أنا مش مصدئكم. فى خدعه. انتو عايزين منى ايه؟

ج: مافيش خدعه. مافيش فخ. بس احنا فعلا عاوزين حاجه منك، احنا عاوزينك تكون مستخدم لينوكس. الموضوع عامل شويه زى لما تسمع أغنيه حلوه، وتقول لصحابك عليها -- بتكسبك حاجه دى؟ لأ؟ يبقى ليه بتعملها؟

س: كويس، أنا هابقى مستخدم لينوكس -- بس استنى، هايحصل ايه لما اتزنئ؟ مين هايساعدنى؟

ج: بالظبط زى ما الليونكس اتعمل بطريقه منتشرة ومش مركزيه، الدعم برضه متاح بطريقه مخصوصه تمام زى الطريقه اللى البرامج اتعملت بيها. فى جماعات من متطوعين اللينوكس على الإنترنيت دايما مستعدين يساعدوك فى اى صعوبات ممكن تكون تواجها.

احنا، جماعة مستخدمى اللينوكس المصرية، واحده من الجماعات دى. فى مساعده متاحه 24 ساعة فى اليوم، 7 أيام فى الأسبوع على ، منتديات على الوب، أوض IRC ، مجموعات ايميل.

لما تحتاس، دايما فى إيد بتساعد -- شاطره وببلاش

Comments

[email protected]

أنا أسمي علاء من مصر أود أن اشترك فى اللينوكس

Pronco's picture

use registered user

Indeed, you're proudly welcomed


-I used to be indecisive .. but now I'm not so sure

Comment viewing options

Select your preferred way to display the comments and click "Save settings" to activate your changes.


Dr. Radut | book